rakh lu samet kar, chal ashk bhar lu,

ek is aankh, ek us aankh

thoda sa jee lu, aur mushkura lu,

liye, ek ye khwab, ek wo khwab...

har pahlu utha patak lu,

dag mag sa chal lu,

thoda sa gir lu, thoda sambhal lu

ek is pair, ek us pair

thoda sa sou, thoda sa jagu,

ek is pahar, ek us pahar..

khalihan ke us paar,

ek pagal si kutiya,

dant nikale, punch dabaye,

soche kisko kaatu,

kabhi is dant, kabhi us dant...

wo pagal si kutiya,

soche phir bhi...ki kisko katu...

kabhi is dant, kabhi us dant...

sadak ke us paar,

gussial sand,

dant nikale, punch laharaye,

bus itna soche..

ki kisko maaru...

ha hah ha ha

kabhi is seeng, to kabhi us seeng....

pagal kutiya aur gussial sand...

lakshya ek...parinaam ek...

aankh athkoli...thodi si band thodi si kholi...
sawan chamkeela...aasmaan neela...fir bhi barish...
sann sann hawa...jhuke jhuke ped...
ankho me ganga...wo bachpan adhnanga...
yad hai abhi bhi...thoda sa kareeb se ..thoda sa door se...

kya kahu..kya chalu...tum kaho...to me bhi kahu...
chal re hat...nikal nikal...sambhal smbhal...dhappa...
ahhaaaa...chal khelenge sham tak ab isi mitti me...
sunahari subah gai...rangeeli dopahar gai...
aur ab sanjh bhe beet jayegi isi mitti me...
isi ki khushbu se...kat jayegi raat apni...

yahi rang kar lalima si...chal pade barat apni...
jai hind kare ye jindgi...jai hind ho awaaz apni...
bus yahi ho aarzoo...bus yahi ab saaj apni...

wo thode se sapne pakar khoya khoya rahta tha...

thoda sa hansta rahta tha...

thoda roya rahta tha...

jeevan k kuch panne uske kahi pe lal gulal hue..

sanjh sanjh pal nach nach chahak chahak ghudsaal hue...

soti soti dundhli drasti kahar kahar behal hue...

chale gaye the sapno se wo wapas aakar kya lenge...

tol taraju bhav karenge shayad thoda jee lenge...

thirak thirak man pankh laga kar thoda hansta gata tha..

raat me thoda jagta tha aur thoda soya rahta tha...

BIKHRE RANG

kabhi kabhi to jeene ki thi ek tayari...
rang bhara tha subaha ne fir...
tarah tarah ki khushbu lekar khadi thi kyari...

 subah subah wala wo sapna dekha tha...
dhumil sa kuch yaad nahi jyada...
jad chetan sab shunya hua sa...
badli par chaya koi kuhasa...
lekar aksh koi, ek tasveer nai,
har roj shuru ye daur hua......
kuch maddham kuch sarpat,
chahal pahal kuch janjhat...
bojhil sa har lanha...

 yakeen nahi toota toota sa pal...
ye wahi subah, ye wahi rang,
khadi thi kyari, bhagte bhonre, girti fulwari...

FIGHT ILLITERACY FIGHT POVERTY

Ajnabee si khwahishon par thirakti dhun

gunguna raha ho jaise lamha e

ek swar, ek geet, ek sangam

shahar shahar

pahar pahar

thoda sa chal thoda thahar

nikal jara aaine se,

bahar chal, bahar kahar

gunguna raha ho jaise dard ek

shanjh se savere tak

ujale se andhere tak

sapne ki tasveer liye

jaldi se avere tak

chal kahi door tak

liye koi dhun nayi 

ro rahi ho jaise koi sans ek

sisak rahi ho jindgi ki bheek ko

aarjoo koi nayi dil main hai

dekhti khamosh si kuch an-kahi

meri oor dekh le

mera dil bhe jeet le

main bhe to ek jindgi

thodi si ruki hui

contribute yourself by educating such people who are not able by money, they are not poor still, but they can be more rich by your contribution, 

"PLEASE START TO FIGHT ILLITERACY WE WILL DEFINITELY DEFEAT THE POVERTY" 

DIE FOR HIND-JAI HIND

Loves Behind

jana ji jana,

koi usko le ana,

jo hai kahi door..

par har waqt mere sath.

meri tanhai main

mere man main

har lamhe main

mere anjuman main.

jana ji jana

koi mere aanshu usko dikhana 

jana ji jana

koi usko le ana

main baithta hu

gaon ki chaupal par

pichwade ke khet main

makki ki machan par

nukkad ki dukan par

pagdandi ke mod par

chat ki mundel par

ek dum tanha

par akela nahi

jana ji jana

koi uski yaadain wapas de ana

ya fir usko wapas le ana

jana ji jana

koi usko le ana

Akhiri Khwab

khwavo ki rangeen shaam mein,

dil main uski yaad liye

dil ki aag bujhane ko fir,

maykhane ko chal diye

uski han mian uski na main,

apna jeevan beet gaya,

doobi sanso ke tan man main

lakhon sapne seench gaya,

dhalti dhadkan ke aangan main

rakhkar kai khwab naye

dil ki aag bujhane ko fir

maykhane ko chal diye

uski har khushi ke kone main

apni khushi sochte the hum

uski aankhon ki putli main

apni tasveer khojte the hum

shayad uski aankhon ke

wo swarnim darpan toot gaye

dil ki aag bujhane ko fir

maykhane ko chal diye

o saki ! kya tujhko bhe hai koi gum,

jo maykhane ki chaukhat par

rahta hai hardum,

ya, koi vaidya hai tu,

jo kuch pyalon ko dekar

har leta hai sare gum,

fir apne gum dene ko sare,

saki ke sajde kiye,

dil ki aag bujhane ko fir

maykhane chal diye....